VEDTEKTER
Vedtekter Foto: Camilla Korsnes, Meirsmak Tysnes
Vedtekter for Tysnes Næringsråd
Vedteke på årsmøte 30.10.2019
§ 1
Namn og føremål
Organisasjonen sitt namn er Tysnes Næringsråd.Tysnes Næringsråd har som føremål å ta vare på og utvikla næringslivet sine interesser i Tysnes. Tysnes Næringsråd skal legge til rette for gode møteplasser for næringslivet i Tysnes, for å styrka kjennskapen til kvarandre, og legge opp til betre samarbeid mellom aktørane. Næringsrådet skal aktivt fremja medlemsbedriftene sine næringsinteresser ved å vera samlingspunkt og talerøyr for næringslivet. Næringsrådet skal vere ein viktig deltakar i samfunnsdebatten, og ein viktig høyringsinstans for kommunen og andre offentlige styresmakter.
Tysnes Næringsråd skal:- Sørgje for gode møtearenaer mellom næringsaktørar i Tysnes kommune.- Styrke samarbeidet mellom næringslivet i Tysnes kommune.- Vere næringslivet sitt samla talerør i Tysnes kommune.- Vere den viktigaste høyringsinnstansen mot det offentlege, i næringsrelaterte saker i Tysnes kommune.
§ 2
Medlemmer
Medlemmer i Tysnes Næringsråd skal vera bedrifter, institusjonar, lag og organisasjonar, som driv eller representerer næringsverksemd i Tysnes kommune.Medlemskap skal godkjennast av styret i Tysnes Næringsråd.Kvart betalande medlem skal ha 1 stemme. Innmelding trer i kraft når medlemskontingenten er betalt. Utmelding skjer skriftleg.
§ 3
Finansiering
Grunnfinansiering av Tysnes Næringsråd skal vera i form av kontingentar frå medlemmene, kommunale og andre offentlege/private tilskot og bidrag.
§ 4
Kontigent
Etter tilråding frå styret, fastset årsmøtet medlemskontingenten, som ein betaler 1 månad etter årsmøtet (jfr. § 2). Medlemskapen gjeld for kalenderåret. Rekneskapen fylgjer også kalenderåret.
§ 5
Årsmøtet
Årsmøtet er Tysnes Næringsråds øvste organ.Årsmøtet skal haldast kvart år innan utgangen av mai månad.Innkalling med førebels dagsorden skal sendast ut minst 6 veker før møtet. Dagsorden med sakspapir skal sendast ut minst 2 veker før møtet.
Saker til årsmøtet skal fremjast gjennom styret og må vera innkomne til styret minst 4 veker før årsmøtet.
Alle medlemmer i Tysnes Næringsråd har rett til å møta på årsmøtet. Eit medlem har rett til å møt ved fullmektig, som må leggja fram skriftleg og datert fullmakt. Fullmakta gjeld berre førstkommande årsmøte, med mindre det tydeleg går fram at noko anna er meint.På årsmøtet har kvart medlem 1 stemme kvar.
Årsmøte vert konstituert ved:• Godkjenning av innkalling• Fastsetjing av dagsorden• Val av møteleiing• Ein representant til å føra protokollen under møte• To representantar til å godkjenna og medunderteikna referatet
Årsmøte behandlar:1. Styret si årsmelding og revidert rekneskap for siste år.2. Godtgjering til styret og revisor.3. Fastsetjing av kontingent.4. Budsjett for komande år.5. Val av styre, valkomité og revisor6. Innkomne sakerAlle val skal skje skriftleg dersom nokon ynskjer det.Årsmøtet er ikkje vedtaksført utan at 1/5 av medlemmane er fysisk til stades eller har gjeve fullmakt. Er ikkje 1/5 fysisk til stades eller ved fullmakt, vert det innkalla til nytt årsmøte med 8 dagars varsel. Alle saker vert avgjorde med vanleg fleirtal.Ein kan berre røysta ved personleg frammøte eller ved skriftleg fullmakt.
§ 6
Ekstraordinært årsmøte
Det skal haldast ekstraordinært årsmøte når styret eller minst halvparten av medlemmene krev det. Innkalling skal skje skriftleg med minst 2 vekers varsel. På ekstraordinært årsmøte har ein berre føre den eller dei sakene som har gjeve grunn for innkallinga.
§ 7
Styret
Rådet sitt styre skal ha minst 5 personar, og dette styret bør vera kjønnsbalansert.Styret bør bestå av eit tverrsnitt av medlemmane, så sant valnemnda finn aktuelle og motiverte kandidatar.
Det skal veljast:1 leiar (1år)4 eller fleire styremedlemmer (2år)
Styremedlemmene vert valde for 2 år om gongen slik at halve styret skiftevis står på val kvart år. Leiaren vert vald av årsmøtet ved særskilt val for eit år, elles konstituerer styret seg sjølv, og vel m.a. nestleiar.
Styret kan tilsetja løna dagleg leiar/sekretariat og arbeida ut instruks for denne. Forvaltinga av organisasjonen sine saker høyrer under styret og styreformann.
Styret er vedtaksfør når minst halvparten av styremedlemmene er til stades. Styret er vedtaksfør når 3 av medlemmene, mellom desse leiar eller nestleiar, møter. I slike høve må vedtaka vera samrøystes. Leiaren si røyst er avgjerande når røystetalet er likt.
Leiar i styret med tillegg av 1 styremedlem innehar organisasjonen sin signatur. Styret kan meddela prokura.
Styret foreslår valnemnd som skal bestå av 2 personar.Valnemd og revisor vert vald for 1 år.
Styret skal syta for ei tilfredstillande organisering av organisasjonen si verksemd for best mogleg oppnåing av måla i paragraf 1. Dei står fritt til å oppretta arbeidsgrupper innan ulike områder.I kvart arbeidsår kallar styret inn til medlemsmøte minst 2 gonger.
Styret vert kalla saman av leiaren så ofte han finn det naudsynt. 3 av dei andre styremedlemmene kan og saman krevja styremøte. Det skal førast protokoll over styremøta.
§ 8
Valkommite
Etter tilråding frå styret, fastset årsmøtet medlemskontingenten, som ein betaler 1 månad etter årsmøtet (jfr. § 2). Medlemskapen gjeld for kalenderåret. Rekneskapen fylgjer også kalenderåret.
§ 9
Vedtektsendringer
Forslag om vedtektsendringar må være komne til styret seinast fire veker før årsmøte. Vedtaket krev tilslutning frå minst 2/3 av dei avgjevne stemmene på årsmøtet.
§ 10
Oppløysing
Oppløysing av Tysnes Næringsråd kan skje når minst 1/3 av medlemmene krev det og årsmøte med 2/3 fleirtal av medlemsmassen eller 2 påfølgjande årsmøte vedtek det med simpelt vanleg fleirtal.Ved oppløysing av Tysnes Næringsråd vedtek årsmøtet, ved vanleg fleirtal, korleis eventuelle midlar skal nyttast.
